Søknad om Postvegmidlar¶
Utlysing:
Kontaktperson:
- Øystein S. Haaland
- Mobilnummer: 99027336
- Epost: oystein.s.haaland@gmail.com
Kontaktperson Fjaler kommune:
- Ingeborg Tysnes (Kommunalsjef Kultur og samfunnsutvikling)
Kontonummer for utbetaling:
- 3741 20 67267
Innleiing¶
Denne søknaden har sitt utspring i Flekke Grendelag og LivOGLyst Flekke.
Me ynskjer å søykje midlar til fylgjande tiltak:
Skjøtsel:
- Tiltak 1 - Grøfting av vasskadd kleiv
- Tiltak 2 - Kviste og tynne langs med postvegen
- Tiltak 3 - Reparere hol i steinbru
Verdiskaping:
- Tiltak 4 - Utarbeide plan for skytebana - Stav
Skilting:
- Tiltak 5 - Skilting mot Dale på Stav
Merk at hovedvekta av denne søknaden handlar om strekninga i Stavsdalen, men tiltak 3 er ved Rennstraum/Vassliås som er omlag 3 kilometer sør for Flekke.
Me ynskjer også å nemne at Postvegen har fått svært høg verdi i Kulturminneplanen for Fjaler Kommune. Under prioritering av kulturminner i Fjaler 3.4.4 Samferdsle og kommunikasjonar står det slik:
Kulturminne:
Den trondhjemske postvegen Dale- Hyllestad grense.
Skildring:
Postvegen batt landsdelane saman og er ein av dei eldste offentlege vegane i Noreg.
Verdi: Svært høg
Skildring av strekninga¶
For å komme seg til postvegen i Flekke, så tek ein av frå fylkseveg 57 ved butikken, køyrer mot Haugland og tek av umiddelbart mot høgre etter at ein er komen opp bakken. Herifrå, så går vegen opp til ungdomshuset, passerar etterkvart ei skytebane og held sidan fram opp dalføret heile vegen til Stav, som er høgste punktet på vegen før den går nedover mot Dale igjen.
Den blå lina i kartet ovanfor markerar strekninga frå Hauglandsvgen til og med Stav.
Frå butikken, så er vegen kommunal. Både den som går mot Haugland, og den som tek av mot skytebana, men det er framleis staten som eig grunnen der det er postveg. Den delen av postvegen som går frå Ungdomshuset og fram til og med skytebana er i god stand, og vert halden ved like av kommunen.
Stykket som går viadare frå skytebana og opp til Stav held ein mykje lågare standard. I den siste bratte kleiva opp mot Stav er det verst. Denne delen er prega av aktivitet etter skogsmaskiner. Vassvegane er til dels endra og dette har ført til skade på vegen. Ved store nedbørsmengder, så kjem vatnet framleis nedover vegen og når ikkje grøfta.
Elles er det mykje kratt og skog langs stykket frå skytebana og opp til Stav.
Tiltak¶
Tiltak 1 - Grøfting av vasskadd kleiv¶
Jfr. innleiinga ovanfor, så ynskjer me å søykje midlar til å utbetre den delen av vegen som er mest skada av vassføring (den siste bratte kleiva opp mot Stav), og som framleis står i fare for å verte meir skada om ikkje noko vert gjort snarleg.
På synfaring saman med maskinentrprenør, så har me kome fram til at grøfting av dette stykket burde gjerast som eit strakstiltak. Maskinentreprenør har utarbeidd ein omtrentleg meterpris for dette arbeidet.
Biletet her illustrerar lengda (ca. 160 m):
Døme på korleis det ser ut per i dag i denne delen av vegen:
Tiltak 2 - Kviste og tynne langs med postvegen¶
Langs med den øvste 3/4-delen av strakninga frå skytebana og opp til Stav, så er det mykje vegitasjon som kjem inn i vegen. Mykje kan handterast med hagesaks og liknande, men det er óg potensielt ein del motorsagarbeid.
Me vurderar det slik at det er ca. 50 dugnadstimar med arbeid å rydde kratt og tre langs med vegen. Om me brukar denne kjelda som utgangspunkt for prissetting av dugnad:
så har me ein timepris på 350 kr timen. Det er denne timesatsen me brukar i kostnadsoverslaget lenger nede i søknaden.
Døme på vegitasjon som veks inn i postvegen og tre som står veldig nær postvegen. Bileta er i rekkefylgje med det fyrste nærast skytebana og det siste nærast Stav.
Tiltak 3 - Reparere hol i steinbru¶
Steinbru som var bygd ca 1830 rett nedanfor Vassliås. Postvegen her er i dagleg bruk, men grunneigar har laga seg ein liten veg ved sidan av brua, slik at dei kan kryssar elva på den måten. Dei vågar ikkje krysse brua med traktor lenger.
Holet er no 90 cm breitt og 1,30 m langt. Steinen som held det i hope har no sige ned og byrja å helle. Under brua ligg det 4 steinar som har rasa ut. 2 av dei for ca 10 år sidan og dei to andre ila dei 4 siste åra. Når den siste fær så er ikkje brua trygg og grunneigar ser føre seg at ein lyt stengje brua av for ålmenta. Det er frykteleg trasigt, for her er mange som brukar vegen til turformål, både sykkelande og gåande.
Dette tiltaket har enno ikkje fått noko kostnadsoverslag. Det er ikkje vore entreprenør på staden for å gjere vurderingar av kva arbeid som skal til. Ynskjer likevel å ha det med i fall me kan ettersende informasjon etter søknadsfristen.
Tiltak 4 - Utarbeide plan for skytebana - Stav¶
Me ynskjer å utarbeide ein plan for vidare arbeid med stykket frå skytebana og opp til Stav. Målet er å gjere det enklare for fotgjengarar og syklande å ta seg fram.
Området er allereie eit populært turområde. Det er ein gaphuk med grill og bålplass i nærleiken av skytebana.
Fylkesvegen, som ligg på andre sida av Stavsdalen er til tider smal, uoversiktleg og utriveleg å ferdast etter for mjuke trafikantar. Om postvegen kan utviklast til å framstå som det foretrukne alternativet for mjuke trafikkanter, så tenkje me at det vil ha stor meirverdi for lokalsamfunnet og heile området langs med Stavsdalen.
Ideelt sett så hadde ein teke føre seg heile strekninga Flekke-Dale for å sjå på kva som skal til for å ha ein turveg med ein standard som kunne gjere den til ei reell pandlarrute for syklistar. Men intil vidare og mtp. søknadsfristen, så vil me nøye oss med den delen som tek oss frå Flekke til Stav.
Me ynskjer å søykje om midlar for å hyre inn høveleg kompetanse for å uterbeide ein slik plan. Mykje av denne planen vil handle om å få opp vegstandarden; det er altså ikkje snakk om skjøtsel for å komme tilbake til oprinneleg standard (jfr. skade grunna uttak av tre og påfylgjande endringar for vassvegar), men heller ei oppgradering som me tenkjer at vil gje ein vesentleg meirverdi for lokalsamfunnet.
Tiltak 5 - Skilting mot Dale på Stav¶
Det manglar skilt på Stav mot Dale der postvegen går nedover mot Lyngje; rett etter Stavshøgda frå Flekke.
Framdriftsplan¶
Her er omtrentleg rekkefylgje me ser føre oss.
- Straktiltak m. maskinentrprenør i den brattaste bakken opp mot stav der det er mest problem med vassføring.
- Utarbeide plan over heile strekket mellom skytebana og stav
- Dugnad:
- Rydde busker og kratt
- Hogge ned tre som kjem for nær vegen
- Søke midlar for å utføre den utarbeidde planen når den er klar
Dugnad og andre finansieringskjelder¶
- Me ser før oss å bruke 50 dugnadstimar på å rydde skog og kratt langs med vegen.
- Når me har ein plan på plass for stykket frå skytebana og opp til Stav, så ynskjer me å søykje midlar frå andre stadar, t.d. sparebankstiftinga for å realisere desse planane.
- LivOGLyst Flekke har midlar som kan brukast til å skape aktivitet og mobilisering. Rundt 2000 kan brukast til å spandere mat på dugnadsgjengen, samt å handle inn ryddeutstyr, slik som hagsaks og handsag. Dette utstyret kan sidan vere tilgejngeleg i området (t.d. ved gapahuken) slik at rydding kan skje fortløpande av dei som brukar området.
Kostnadsoverslag¶
Kostnader
Grøfting 2000 gr. pris + (160m a kr 100) = kr 18 000
Rydding/kvisting av skog og kratt 50t a kr 350 = kr 17 500
Utbetre bru med hol kr ?
Utarbeiding av plan for strekninga kr 5 000
Skilting kr 1 000
I alt kr 41 500
Finansiering
Tilskot frå fylkeskommunen kr 22 000
Tilskot frå LivOGLyst Flekke kr 2 000
Dugnadsinnsats kr 17 500
I alt kr 41 500
Vedlegg A: Tilsegn Fjaler kommune¶
Har informert kommunen om søknaden og fått positivt svar:
