Torsdag 2. Oktober vert det grendedag med LivOGLyst-møte i ungdomshuset.
Legg til i kalender
- 08:00 - 15:30 | Kontorope
- 15:30 - 17:00 | Grendemiddag
- 15:30 - ? | Playstation 5 på storskjerm
- 17:00 - 18:30 | LivOGLyst-møte
Salen nede er open for kontorbruk for alle interesserte. Meld gjerne frå
om du har tenkt å komme slik at me veit det er plass til alle. Meir info om kontorope, kan ein finne her.
Nytt av sumaren/hausten er at det er kome internett i Ungdomshuset, så det
skulle no vere endå betre tilhøve for ei produktiv arbeidsøkt i bygget.
Det vert krema kyllingsupe med poteter og brød frå Delikatessen i Askvoll. Supa er glutenfri, men ikkje brødet.
Prisar med og utan medlemsskap i grendelaget:
Vaksne: 120/150,-
Born over 4 år: 40/50,-
Born under 4 år: 0,-
Meld deg på middagen ved å ta kontakt med Øystein på 99027336 eller skriv på fjesboksida vår. Supa er delvis sponsa med midlar frå LivOGLyst.
Etter middagen vert det eit allmøte for bygdefolket, der formålet er å samle inn informasjon om kva me ynskjer skal skje i Flekke framover. Me har det siste året vore i eit forprosjekt med LivOGLyst, der tanken er at me skal engasjere bygdefolket til aktivitet, og planleggje fram mot eit hovedprosjekt der ein får 100 000 i året over tre år for gjennomføre det ein set seg føre.
Me vonar at bygdefolket har lyst å komme for å diskutere og planleggje saman med oss, slik at me får eit godt grunnlag å søkje hovedprosjekt.
- I ungdomshuset, så står det ein diger skjerm.
- Det har i det siste kome internett i bygget.
- Ein sambygding har ein playstation 5 ståande som ikkje vert brukt så mykje.
Desse 3 punkta er utgangspunktet for at me ynskjer å lage til ei lita speleøkt for dei som er interesserte. Dette er eit tilbod som i utgangspunktet rettar seg mot ungdommen.
